Marrocos
7 días
Moto Enduro no sur de Marrocos
6 noites / 7 días
Se che gusta a aventura, o mundo do motor e a adrenalina. Propoñemos unha ruta pola zona sur de Marrocos nunha moto de enduro como os auténticos pilotos de Dakar. As sensacións que vas experimentar son indescriptibles!
DÍA 01: ORIXE – CASABLANCA – ERRACHIDIA – ERFOUD
Chegar ao aeroporto a tempo para tomar o voo a Casablanca e conexión co voo a Errachidia. Chegada, trámites de pasaporte e reclamación de equipaxe. Traslado a Erfoud, unha cidade coñecida como “a Porta do Deserto” a uns 70 km de Errachidia.
Media pensión.
Día 02: ERFOUD – ALNIF “Ruta Kemkem”
Esta mañá, reunirémonos co guía, para comezar o primeiro día. Toma de contacto coas motos e co terreo. Saída do hotel cara ao sur, por pistas desérticas, area, chotts, ríos de area… Parada no miradoiro de Fezzou e no Oasis. O xantar do mediodía será un picnic en Fezzou. Seguiremos por pistas de practicaxe e navegación, ata chegar a Alnif.
Media pensión.
Día 03: ALNIF – BOUMALNE DADES “Ruta do Saghro”
Hoxe deixaremos atrás o deserto, para entrar nos montes Saghro. Comezaremos por pistas con pendentes suaves, condución divertida que nos permitirá gozar de boas pistas de condución. Iremos ascendendo pouco a pouco, ata chegar aos 2.000 metros de altura. A vista será espectacular. Faremos un picnic ao mediodía na aldea de Aknioun. Despois de comer, seguiremos por sendeiros ata chegar a Boumalne Dades, localidade situada no Alto Atlas Central, a 1.612 metros.
Media pensión.
Día 04: BOUMALNE DADES – GORGES – BOUMALNE DADES “Ruta do Atlas”
A ruta de hoxe lévanos ao Alto Atlas Central. Percorreremos diferentes terreos de montaña e canóns. Desfrutaremos de grandes lugares escondidos, cruzando ríos de auga, aldeas bereberes perdidas entre montañas, pistas seguindo os leitos secos de grandes bulevares… Picnic ao mediodía en ruta. Pola tarde, volta a Boumalne Dades.
Media pensión.
Día 05: BOUMALNE DADES – ZAGORA “Ruta Anti Atlas”
Esta mañá, despois dun bo almorzo, sairemos á nosa cuarta etapa. Atravesaremos a serra do Anti Atlas, subindo ata os 2.300 metros por unha pista con boas liñas. A baixada será máis longa, por unha pista sinuosa. A medida que nos achegamos ao val, iremos notando a civilización, as zonas habitadas, as hortas, etc. Chegada a NKob, parada obrigatoria para picnic e descanso. Pola tarde espéranos unha ruta divertida e rápida, ata chegar a Zagora.
Media pensión.
Día 06: ZAGORA – MERZOUGA – ERFOUD “Ruta dos Bereberes”
Hoxe será un día de deserto total. Infinitas pistas na meseta de Rekam, ata chegar ao Chott de Lac Maider. Pasaremos por Tafraoute subindo a gran ladeira de area de 3km. O percorrido de hoxe está cheo de contrastes; grandes vales con moita area, chott e pasan polo Oued de Remlia. Pasaremos por vías rápidas ata Ouzina, onde aproveitaremos para entrar nas dunas. Xantar picnic. Continuaremos a nosa ruta ata Merzouga, esta tarde gozaremos de area, area e máis area como auténticos “Dakarians”. A última hora, voltaremos a Erfoud. Media pensión.
Día 07: ERFOUD – ERRACHIDIA – CASABLANCA – ORIXE
Traslado ao aeroporto de Errachidia para coller o voo de regreso ao punto de orixe. Polo camiño pararemos no miradoiro do Val do Ziz, con máis de dez millóns de palmeiras no seu interior.
Saída do voo dende Errachidia en dirección a Casablanca, para conectar co voo ata o punto de orixe.
PREZO POR PERSOA: a consultar segundo datas
Falar dun prezo fixo cando se trata dunha viaxe á medida ten pouco sentido. De feito, varía segundo moitos factores (nivel de servizos, período, datas de reserva e moitos outros). O único prezo exacto será o do teu orzamento persoal e axudarémosche a que sexa rendible.
